ရွှေတိဂုံ စေတီတော် ဂေါပက အဖွဲ့မှ ကြီးမှူး ကျင်းပမည့် ရွှေတိဂုံ စေတီတော်၏ ၁၃၇၅ ခုနှစ် ၀ါဆို ရွှေကြာသင်္ကန်း ကပ်လှူ ပူဇော်ပွဲ၊ ၀ါတွင်းသီလ ခံယူပွဲနှင့် ဓမ္မစကြာ အခါတော်နေ့ အခမ်းအနား များကို ဇူလိုင် ၂၂ ရက်တွင် ကျင်းပမည် ဖြစ်ကြောင်း သိရသည်။
အဆိုပါနေ့ နံနက် ၅ နာရီတွင် ရွှေတိဂုံ စေတီတော် ကြီးကို ဆွမ်း၊ ဆီမီး၊ ပန်း၊ ရေချမ်းနှင့် သစ်သီးဆွမ်း ဆက်ကပ်ခြင်းကို ရင်ပြင်တော် တောင်ဘက်မုခ်ရှိ ဧည့်ခံ တန်ဆောင်း၌ လည်းကောင်း၊ နံနက် ၆ နာရီတွင် ဂေါပက အဖွဲ့ဝင်များ ဦးဆောင်၍ ဘာသာရေး အသင်း အဖွဲ့ဝင်များ၊ ၀န်ထမ်းများ စုစည်း ပါဝင်လျက် အခမ်းအနား အဆောင်အယောင် များဖြင့် ၀ါဆို ရွှေကြာသင်္ကန်း တော်များ လှည့်လည် ပူဇော်ခံကာ ဘုရား လေးဆူနှင့် ပတ္တမြား မျက်ရှင် ဘုရားတို့အား ၀ါဆို ရွှေကြာသင်္ကန်း ကပ်လှူခြင်းကို လည်းကောင်း၊ နံနက် ၉ နာရီခွဲတွင် ၀ါတွင်းသီလ ခံယူပွဲနှင့် မွန်းလွဲ ၁၂ နာရီခွဲတွင် ဓမ္မစကြာ အခါတော်နေ့ အခမ်းအနား တို့ကို ရှေးဟောင်း ဗုဒ္ဓရုပ်ပွား တော်များ တန်ဆောင်း၌ လည်းကောင်း ကျင်းပသွားမည်
Read More >> http://www.myawady.net.mm/
0 comments:
Post a Comment